ЧУРАГАЙЛЫГ ID СЕРВИЗИНИҢ ДУЗАЗЫ-БИЛЕ ЭРГЕ-БАЙДАЛДЫ БАДЫТКААРЫНЫҢ ЧУРУМУ

Чурагайлыг ID дээрге "Госуслуги" деп сайта тургускан бүзүреткен чурукту база түр када идентификаторну ажыглап тургаш, хамааты дугайында медээни бадыткаар арга болур. Ындыг ID-ни Россия Федерациязының 18 хардан өрү назылыг хамааты бүрүзү ажыглап болур.

 ЧУРАГАЙЛЫГ ID ДУЗАЗЫ-БИЛЕ ЧҮНҮ БАДЫТКАП БОЛУРУЛ?

• Назы-хар кызыгаарлаашкынныг бараан садып ап тургаш, назы-харны бадыткаар;
• Хөй ажы-төлдүг өг-бүле байдалын бадыткаар, чижээ, чиигелделиг ачы-дуза алырда, культура албан черлеринден билет садарда көргүзер;
• ⁠Өөредилге черлеринге өөренип турар студент деп бадыткаар.

ЧУРАГАЙЛЫГ ID-НИ КАНЧААР ТУРГУЗАРЫЛ:

1. MAX мессенджерниң «Профиль» деп кезээнге «Чурагайлыг ID» деп демдекти базыптар;
2. «Тургузар» деп базыптар;
3. «Арын-биле азы салаа изи-биле кирер» чөпшээрелди бээр;
4. «Госуслугиже баар» дээш базар;
5. Хууда медээлерни болгаш биометриктиг айтылгаларны сайгарарынга чөпшээрээр;
6. Селфиге тырттырар, «Чурагайлыг ID»-ни алырынга белен деп бадыткалды алыр.

ЧУРАГАЙЛЫГ ID-НИ АЖЫГЛААРЫНГА ЧYНY ХЕРЕГИЛ:

1. MAX-та таб-профильче кирер;
2. «Чурагайлыг ID» деп арынны ажыдар;
3. Херек презентация сценарийин шилип алыр: «Назы-харны бадыткаар», «Хөй ажы-төлдүг өг-бүле байдалын бадыткаар», «Студент байдалын бадыткаар»;
4. Хыналда чорудуп турар ажылдакчыга телефоннуң экранын көргүзер.

ЧУРАГАЙЛЫГ ID-НИҢ АЖЫГЛАЛЫНЫҢ ЧАМДЫК ЭКИ ТАЛАЛАРЫ:

• Билет садып алырының чорудуун чиигедип турар. Чижээ, өөреникчилер болгаш хөй ажы-төлдүг өг-бүлелерниң кежигүннери саазын документилерни көргүзериниң херээ чок. Олар чүгле биометриктиг айтылгалар-биле бадыткаан чурагайлыг ID-ниң QR-кодун көргүзер ужурлуг;

• Хууда медээлерни камгалаар. QR-кодту сканерлеп турда, хууда медээлер камгалаттынган турар: QR-кодтуг чурукту көргүскен экран 30 секунда болганда чаартынып турар, ынчангаш скриншоттаарындан болгаш өскээр дамчыдарындан камгалаттынган;

• Чурагайлыг ID-ни ажыглап тургаш, назы-харны, ада-ие байдалын болгаш өске чүүлдерни бадыткап болур. Оон-даа аңгы эрге-байдалдарны хынап болур.

---