"Хөөмейимни-хөгжүмүмнү"

Декабрьның 7-де Кызыл хоорайга Республика чергелиг «ХӨӨМЕЙИМНИ – ХӨГЖҮМҮМНҮ» деп аттыг янзы-бүрү тыва хөгжүмнерге ойнаар хөөмейжилер аразында мөөрей болуп эртер.

Мөөрейниң эрттирикчилери - Делегей чергелиг Хөөмей академиязы, Автономнуг коммерция чок организация «Хөөмей делегейи», Тыва Республиканың алдарлыг артизи, Улустуң хөөмейжизи Чодураа Семис-ооловна Тумат болгаш ооң төрел аймаа.

Мөөрейге тыва хөгжүмнерниң (игил, бызаанчы, чанзы, дошпулуур, чадаган, хомус, лимби, шоор) хевирлеринге бодунуң хөөмей-сыгыт каргыраазын, улустуң болгаш авторлуг ырыларны үдевишаан күүседир болгаш улусчу аялгаларны ойнап көргүзер күүседикчилер киржир.

Мөөрейге 16 хардан тура улуг назыга дээр күүседикчилер киржип болур. Эр-херээжен аайы-биле аңгылап кызыгаарлаар тускай негелде чок. Алдар-аттың бары, чогундан хамаарышпас, кандыг-даа күүседикчи киржип болур.

 Шаңналдары:
- Гран-при – 50.000 р
- I-ги чергениң лауреады – 35.000 р
- II-ги чергениң лауреады – 25.000 р.
- III-ги чергениң лауреады – 15.000 р.
- I-ги чергениң дипломантызы – 10.000 р
- II-ги чергениң дипломантызы – 7.000 р
- III-ги чергениң дипломантызы – 5.000 р
База тускай номинацияларны тыпсыры көрдүнген.

Болур хүнү – 2024 чылдың декабрь 7-де 10 шакта.
Болур чери – Кызылдың уран чүүл колледжиниң концерт залы.
Мөөрейниң чагыгларын (заявкаларын) декабрь 6-га дээр хүлээп алыр.

Харылзажыр дугаар: 89232656564 (Хөөмей академиязының специализи Алдынай Алексеевна). Чагыглар хүлээр эл.почта: academy.khoomei@mail.ru
Электроннуг чагыг: https://clck.ru/3EMWG2