Бөгүн тыва дыл хүнү

Бо чылын «Тыва дыл – чоннуң өнчүзү» деп ээлчеглиг шуулганны Тыва дыл хүнүнге болгаш Тываның улустуң чогаалчызы Александр Александрович Даржайның 80 харлаан оюнга тураскаадып эрттирип турары өөрүнчүг.

«Тыва Республикага 2024-2033 чылдарда тыва дылдыӊ хөгжүлдезинге күрүне деткимчезиниӊ эчис сорулгалары» деп Тыва Республиканың күрүне программазын боттандырып турар бис. Ук план езугаар ѳѳредилге номнары чаарттынып, тыва чогаалчыларның номнарын катап үндүрүп турар. Ооң-биле кады тыва литератураның үндезилекчилериниң бирээзи, Тываның улустуң чогаалчызы Степан Сарыг-оолдуң «Аңгыр-оолдуң тоожузу» (Повесть о светлом мальчике) деп чогаалынга үндезилээн тыва кинофильмни чоокта чаа тырттырып дооскан. База бир көскү ажыл – «Яндекс-очулдурукчу» интернет четкизинде тыва дылга очулга ажылын чорудуп эгелээн. Ажыл ам-даа уламчылаар.

Кол-ла чүүл – тыва дылывыска хүндүткелди, хумагалыг хамаарылганы чедип алыр ужурлуг бис. Аңаа шуптувустуң демниг ажылывыс негеттинер. Дылывысты хүндүлеп, камгалап, сайзырадып, ажы-төлүвүске дамчыдып берип, амыдыралывыстың янзы-бүрү адырларынга ажыглап чоруулуңар!

Бөгүн Тыва Республиканың Национал архиви В. Көк-оол аттыг Национал театрга тыва чогаалчы, шүлүкчү, очулдурукчу, журналист, Тываның улустуң чогаалчызы Александр Даржайга тураскааткан байырлалынга үлүг-хуузун киирип, чаңгыс чер чурттугларынга торээн дылынын дугайында делгелгени бараалгаткан.

Архивчилер делгелгени чоргааралы-биле тыва чонунга көргүскеннер. Делгелгеге Тываның чону төрээн дылының дугайында төөгулуг фотодокументилери-биле танышканнар.

---