Сентябрь 21-ге чедир сценарийлер мөөрейинче чагыглары хулээп алырын узаткан

Бот-тывынгыр салым-чаяанныг чогаалчыларны, байырлал башкарыкчыларын, шүлүкчүлерни, тыва дыл башкыларын, культура ажылдакчыларын болгаш 18 хардан өрү күзелдиг чонувусту сентябрь 21-ге чедир өг-бүлениң янзы-бүрү байырлалдарынга ажыглаар сценарийлер мөөрейинге киржиринче чалап тур бис!

Мөөрейниң номинациялары:

Бичии чаштарга хамаарышкан байырлалдар (уруг дою, хылбык дою болгаш өске-даа байырлалдар)
Кудага хамаарышкан байырлалдар (келин кыстың холун дилээри, аныяктарның куда-дою, мөңгүн куда, алдын куда дээш оон-даа өске)
Мугур хар харлаан амы-хууда байырлалдар (50,60, 70 хар демдеглээн байырлалдар)
Өг-бүлениң өске байырлалдары (чаа өргээ найыр-дою, эртем-билиг чедип алганының байырлалы, эрге-дужаал чедиишкинин байырлаары болгаш оон-даа өске)

Ажылдарны сентябрь 21-ге чедир Улусчу чогаадылга төвүнүң rcntd17@yandex.ru деп электроннуг почтазынче чоргузар. Харылзажыр телефоннар - 8 (394-22) 2-10-14, 8-923-558-1856, улусчу чогаадылга килдизи, Кызыл хоорай, Щетинкина-Кравченко кудумчузу, 46, өрээл 106.


Мөөрей дугайында допчузу-биле адаанда кошкан саавырда

---