Геннадий Туматтың төрүттүнгенинден бээр 60 чыл оюнга тураскааткан хемчег
Февраль 25-тиң хүнүнде Хандагайты суурга Тываның Улустуң хөөмейжизи, кайгамчык салым-чаяанныг сыгытчызы Геннадий Туматтың төрүттүнгенинден бээр 60 чыл оюнга тураскааткан хемчег болуп эрткен.
Хандагайтының Геннадий Тумат аттыг культура төвунге хөөмейжиниң чырык адынга мөгейиг ёзулалы биле хөөмей-сыгыт сылдыстарының концерди, шүлүктерге бот чогаадылга мөөрейи болгаш сургуулдарга чурулга мөөрейиниң делгелгези болган.
Делегей чергелиг «Хөөмей» академиязының мурнундан Марьятта Маадыр-ооловна Бадыргы чыглып келген чонга изиг байыр чедирип, тыва хөөмейниң төөгүзүнде база бир байырлыг хемчег эртип турарын демдеглээн.