Календарь-хронограф 2026

Тыва Республиканың А. С. Пушкин аттыг национал ном саңы «Тываның кижилери болгаш болуушкуннары» деп аттыг календарь-хронографтың 2026 чылдың ээлчеглиг үндүрүлгезин белеткээн.

Календарьда Тыва Арат Республиканың бир дугаар хоойлузун (Конституция), Делегей чергелиг Убсанур биосфералыг шинчилелдер төвүнүң (35 ч) , Тыва Республиканың А.С. Пушкин аттыг национал ном саңының 95 чыл болганының дугайында дээш, оон-даа өске төөгүлүг болуушкуннарны база Тываның билдингир композитору, «Айлаң кужум» деп чараш ырының аялгазын бижээн Каадыр-оол Бегзиниң, уруглар чогаалчызы Таспай Сааяның, салым-чаяанныг шии артизи, ыраажы Екатерина Кенденбильдиң, “ Дерзу Узала” аттыг фондунуң удуртукчузу Светлана Мунзуктуң база Тываның Улустуң чогаалчызы Эдуард Мижиттиң дээш, оон-даа өске солун кижилерниң дугайында таныжып, номчуп ап болур.

Ук үндүрүлгениң бир онзагай кезээ «2026 чылдың тураскаалдыг болуушкуннарының даңзызын» баштайгы арыннардан билип ап болур.

Хүндүлүг номчукчуларывысты солун, төөгүлүг болуушкуннарлыг календарьны номчуп, сонуургаарынче А. С. Пушкин аттыг ном саңынче чаладывыс.

База «Тываның кижилери болгаш болуушкуннары» деп аттыг календарь-хронографту А. С. Пушкин аттыг национал ном саңындан садып ап болур.

Турар чери: Ленина кудумчузу, б. 21; Кочетова кудумчузу, б. 27.

---